Kaartferkeap is los!!!!
Lokaasje: Greide njonken Ursuladyk 14
Oanfang: 20.30 oere
11, 12 en 14 juny
De kaarten kostje € 12,50
Reservearje: toneelitheidenskip@hotmail.com
Til: op wurkdagen fan 17.00-19.00 op 0515-543064
facebookpagina: de Kening stjêrt
De oanlieding om it stik “de Kening stjêrt” te spyljen, is de fraach dy’t ús en in hiele soad oare Friezen, dwaande hâldt nammentlik: Wat wolle wy mei it Fryske lânskip en wat ha wy dêr foar oer.
Wy kinne it mei eigen eagen sjen; de efterútgong fan greidefûgel- en oare weardefolle natuergebieden foar bijgelyks stedsútwreidings, yndustrie, nije diken en de yntensifearring fan de lânbou. It opofferjen fan âlde lânskippen foar ekonomyske belangen.
Wolle wy dit sa troch gean litte? It sette ús oan it tinken….
Om’t wy gjin minsken binne dy’t op de barrikaden stean gean en dochs ús stientsje bijdrage wolle oan de bewustwurding fan dizze fraach, ha wy foar in wize keazen wer’t It Heidenskip goed yn is. En dat is meielkoar gearwurkje yn foarmjouwing , sang, muzyk en toaniel.
“de Kening stjêrt” is yn it foarste plak in humoristysk stik. It giet oer loslitten en ôfskie. Dizze swiere tematyk is ferpakt yn de prachtige metafoar fan it krimpende keninkryk mei in minslike Kening yn in taal dy’t sawol komysk as poëtysk is.
Om’t de Kening yn it stik wol wat oerienkomsten hat mei de echte Kening fan ‘e greide; de skries, ha wy foar in iepen stik greidelân as lokaasje keazen.
Toanielferieniging "Yn it oare fel"
